जळगाव जिल्ह्यातील चोपडा तालुक्यात मजुरांच्या कमतरतेमुळे केळी उत्पादक शेतकरी शेतीकामासाठी आधुनिक यंत्रांचा वापर करत आहेत. केळीच्या झाडांना माती लावण्यासाठी पूर्वी बैलजोडीचा वापर केला जात होता. आता मिनी ट्रॅक्टरच्या मदतीने हे काम कमी वेळेत पूर्ण होत आहे. केळी उत्पादक शेतकरी ईश्वर पाटील यांच्या मते, बैलजोडीने या कामासाठी चार दिवस लागतात, तर मिनी ट्रॅक्टरच्या साहाय्याने हेच काम अर्ध्या दिवसात पूर्ण करता येते. त्यामुळे शेतकऱ्यांचा वेळ आणि श्रम वाचण्यास मदत होत आहे.