नाशिक कृषी उत्पन्न बाजार समिती परिसरात उरलेला भाजीपाला उघड्यावर साचल्याने अस्वच्छतेची गंभीर समस्या निर्माण झाली आहे. वेळेवर साफसफाई होत नसल्याने परिसरात दुर्गंधी पसरली असून सर्वत्र चिखलाचे साम्राज्य आहे. सततच्या पावसामुळे परिस्थिती आणखी गंभीर बनली असून व्यापारी, शेतकरी आणि ग्राहकांना मोठा त्रास सहन करावा लागत आहे. चिखलामुळे घसरून अपघात होण्याचाही धोका वाढला आहे. बाजार समिती प्रशासनाने तातडीने स्वच्छता मोहीम राबवून नियमित साफसफाई करावी, अशी मागणी व्यापारी आणि नागरिकांकडून करण्यात येत आहे.