नाशिक शहरात सध्या 'We Support Nation' या मोहिमेची जोरदार चर्चा सुरू आहे. शहरातील प्रमुख चौक आणि सिग्नलवर 'Nation First' (राष्ट्र प्रथम) असा संदेश देणारी होर्डिंग्ज झळकली आहेत. या होर्डिंग्जवर 'We Support PM', 'We Support Army', 'We Support Police', 'We Support Youth' असे संदेश देत देशाची एकता, राष्ट्रीय संस्था, सुरक्षा दल, विद्यार्थी आणि सांस्कृतिक श्रद्धास्थानांप्रती समर्थन व्यक्त करण्यात आले आहे. दिल्लीतील जंतर-मंतर आंदोलनानंतरच्या पार्श्वभूमीवर सुरू झालेल्या या मोहिमेची शहरभर चर्चा असून, सोशल मीडियावरही होर्डिंग्जचे फोटो आणि व्हिडिओ मोठ्या प्रमाणात व्हायरल होत आहेत.