ऑफिसमध्ये वारंवार लागणारी भूक भागवण्यासाठी अनेकजण तळलेले पदार्थ, बिस्किटे किंवा सॉफ्ट ड्रिंक्सचा पर्याय निवडतात. मात्र अशा अनहेल्दी स्नॅकिंगमुळे आरोग्यावर विपरीत परिणाम होऊ शकतो. क्लिनिकल न्यूट्रिशनिस्ट अनोखी शहा यांनी हेल्दी स्नॅकिंगचे महत्त्व, योग्य वेळ आणि पौष्टिक पर्यायांची माहिती दिली. फुटाणे, मखाणे, फळे, दही, स्प्राऊट्स आणि सॅलड यांसारखे पर्याय कार्यालयीन वेळेत अधिक लाभदायक ठरू शकतात, असे त्यांनी सांगितले. तसेच कमी साखर, कमी तेल, भरपूर पाणी आणि संतुलित आहाराच्या सवयी अंगीकारण्याचा सल्लाही त्यांनी दिला.