जुने नाशिक परिसरातील धोकादायक वाड्यांविरोधात महापालिकेने धडक मोहीम हाती घेतली आहे.
पावसाळ्यात जुन्या आणि जीर्ण वाड्यांमुळे दुर्घटना होण्याचा धोका वाढत असल्याने महापालिकेकडून कारवाई करण्यात येत आहे.
महापालिकेच्या पश्चिम विभागाकडून धोकादायक वाड्यांची पाहणी आणि निष्कासनाची प्रक्रिया सुरू करण्यात आली आहे.
गेल्या आठ दिवसांत तब्बल ६ धोकादायक वाडे उतरविण्यात आले आहेत.
पावसाळ्यात वाडे कोसळून नागरिकांच्या जीविताला धोका निर्माण होऊ नये, यासाठी प्रशासनाने ही मोहीम तीव्र केली आहे.
जुने नाशिक परिसरातील आणखी धोकादायक बांधकामांवरही कारवाई होण्याची शक्यता आहे.
महापालिकेच्या या कारवाईमुळे संभाव्य दुर्घटना टाळण्यास मदत होणार आहे.
