नाशिकमध्ये गणेशमूर्ती विक्री केंद्रांसाठी महापालिकेने उपलब्ध करून दिलेल्या जागांच्या लिलावाला यंदा अल्प प्रतिसाद मिळाल्याचे समोर आले आहे. गणेशोत्सवाच्या पार्श्वभूमीवर मूर्ती विक्रीसाठी विक्रेत्यांना जागा उपलब्ध करून देण्यासाठी महापालिकेकडून लिलाव प्रक्रिया राबवण्यात आली. मात्र, या प्रक्रियेत अपेक्षित प्रतिसाद मिळाला नसल्याचे चित्र आहे.
महापालिकेने गणेशमूर्ती विक्री केंद्रांसाठी एकूण २९८ जागा उपलब्ध करून दिल्या होत्या. त्यापैकी केवळ ६० जागांसाठी बोली लागली, तर तब्बल २३८ जागा अद्याप शिल्लक राहिल्या आहेत. त्यामुळे गणेशमूर्ती विक्री केंद्रांच्या जागांच्या लिलावाला इतका कमी प्रतिसाद का मिळाला, याबाबत चर्चा सुरू झाली आहे.
गणेशोत्सव जवळ येत असताना मूर्ती विक्रेत्यांकडून या जागांना कितपत प्रतिसाद मिळतो आणि उर्वरित जागांसाठी महापालिका पुढील काळात कोणती भूमिका घेणार, याकडे आता लक्ष लागले आहे.
लिलाव प्रक्रियेत किती जागा उपलब्ध होत्या, किती जागांसाठी बोली लागली आणि किती जागा अद्याप शिल्लक आहेत, यासह संपूर्ण माहिती जाणून घेण्यासाठी पाहा **‘आपलं नाशिक’**चा हा विशेष रिपोर्ट.
