नाशिक शहरातील खड्ड्यांच्या प्रश्नावरून ठाकरे गटाची शिवसेना आक्रमक झाली आहे.
खासदार संजय राऊत यांच्या उपस्थितीत शालिमार येथून जनआक्रोश मोर्चाला सुरुवात करण्यात आली.
नाशिकच्या रस्त्यांवरील खड्डे आणि रस्त्यांची दुरवस्था याविरोधात हा मोर्चा काढण्यात आला आहे.
महापालिका प्रशासनाच्या कारभाराविरोधातही ठाकरे गटाकडून नाराजी व्यक्त करण्यात येत आहे.
मोर्चात ठाकरे गटाचे पदाधिकारी आणि कार्यकर्ते मोठ्या संख्येने सहभागी झाले आहेत.
आंदोलकांकडून सरकार आणि महापालिका प्रशासनाविरोधात जोरदार घोषणाबाजी करण्यात येत आहे.
खड्ड्यांच्या मुद्द्यावरून नाशिकमध्ये राजकीय वातावरण तापले असून, प्रशासनाला जाब विचारण्याची भूमिका ठाकरे गटाने घेतली आहे.
शहरातील रस्त्यांची दुरवस्था दूर करून नागरिकांना सुरक्षित आणि चांगले रस्ते मिळावेत, अशी मागणी आंदोलनातून करण्यात येत आहे.