नवी मुंबईतील नेरुळ परिसरात डी. वाय. पाटील सर्व्हिस रोडवर महाकाय वृक्ष कोसळल्याची घटना घडली. या घटनेत तीन कार आणि एका दुचाकीचे मोठे नुकसान झाले. घटनेची माहिती मिळताच अग्निशमन दलाचे जवान घटनास्थळी दाखल झाले. कटरच्या साहाय्याने कोसळलेले झाड हटवून रस्ता मोकळा करण्याचे काम सुरू करण्यात आले. वृक्ष कोसळण्याचे नेमके कारण आणि जीवितहानीबाबतची अधिकृत माहिती अद्याप उपलब्ध नाही.