श्रावण मास म्हटलं की सण, परंपरा आणि उत्साहाची रंगत अधिकच खुलते. याच श्रावणी उत्साहात नवविवाहित महिलांसाठी खास असलेला मंगळागौरीचा सण मोठ्या आनंदाने साजरा केला जातो.
‘आपलं नाशिक मंगळागौर विशेष’मध्ये नवविवाहित महिलांचा पारंपरिक थाट अनुभवायला मिळणार आहे. नऊवारी साडी, नथ आणि चंद्रकोर अशा पारंपरिक साजात महिलांनी मंगळागौरीचा उत्सव रंगवला आहे.
मंगळागौरीच्या पारंपरिक खेळांसोबत गाणी, फुगड्या आणि महिलांचा उत्साह यामुळे या सोहळ्याला विशेष रंगत आली आहे.
पतीच्या दीर्घायुष्यासाठी गौरी-शंकराकडे प्रार्थना करण्याची परंपराही या उत्सवात जपली जाते. श्रद्धा, परंपरा आणि आनंदाचा सुंदर मिलाफ मंगळागौरीच्या सोहळ्यात पाहायला मिळतो.
श्रावणातील या खास परंपरेचा आणि नवविवाहित महिलांच्या उत्साहाचा अनुभव घेण्यासाठी पाहा ‘आपलं नाशिक मंगळागौर विशेष’.
आपली संस्कृती, आपली परंपरा आणि आपलं नाशिक... पाहा मंगळागौर विशेष!
